Бидний тухай
Багш ажилтан
Японы уран зохиолын түүхийн үечлэлд тулгуурлан лекцээ эртний, дундад эртний, дундад зууны үеийн гэсэн гурван бүлэгт хуваан авч үзэж, сонгодог уран зохиолын төлөөлөл болох зохиолуудыг танилцуулна. “Кожики”(古事記), “Манёошүү” (万葉集), “Гэнжийн туульс” (源氏物語), “Такэтори моногатари” (竹取物語), “Хэикэ моногатари” (平家物語), “Макүрано-сооши” (枕草子), “Цүрэзүрэгүса” (徒然草) зэрэг тодорхой зохиолыг сонгон уншиж, зохиогчийн намтар, түүхэн цаг үеийн онцлогийн талаар эргэцүүлэх болно. Хичээлд лекц голлохын зэрэгцээ, зохиолын талаар харилцан ярилцах хэлбэрийг түлхүү хэрэглэнэ.
Японы сонгодог уран зохиолын төлөөлөх дээж бичгүүдээр дамжуулан, дундад зууны үед зохиогдон өдгөөг хүртэл япончуудын шимтэн уншдаг сонгодог зохиолын онцлог, найруулга, төрөл зүйлийн талаарх мэдлэг эзэмшинэ.
Хэл-соёл судлал, нийгэм, танихуйн хэл шинжлэл зэрэг орчин цагийн хэлшинжлэлийн үүднээс хэл соёлын шүтэлцээний ойлголтыг дараах агуулгаар авч үзэн, тодорхой жишээгээр тайлбарлана. Үүнд: Хэл соёл судлалын тухай ойлголт, тухайн ард түмний амьдрал ахуйн онцлог зүйл, эдгээрийг нэрлэсэн үгийн сангийн нэгжүүд, тогтвортой хэллэг.
Япон үндэстний хэлийг, аж төрөх ёс, соёлтой нь холбон үзэх үүднээс багш, оюутан хамтран тухайн хэлний үгийн сангийн тодорхой нэгж болсон үндэсний онцлог бүхий үг хэллэгийг ойлгох, өөрийн хэлтэй харьцуулан нийтлэг хийгээд өвөрмөц ялгаатай тал, сэтгэлгээний онцлогийг нь танин мэдэх. Японы уран зохиол, өвөрмөц хэллэг, оньсого таавар зэрэг эхүүдийг ашиглан, тухайн үндэстний соёл хэлэндээ хэрхэн тусгалаа олдгийг танин мэдэх
Япон хэлний сургалтын түүх, япон хэлний гол гол заах аргууд, япон хэлний авиа зүй, үсэг, үгийн сан, хэлзүйн дүрэм, сонсож ойлгох, ярих, уншиж ойлгох, найруулан бичих зэрэг хэл, хэлэхүйн бүх категорийн дагуу бүх шатны сургуульд япон хэл заах аргын онцлогийн талаар судална. Мөн япон хэлний үндэс, хэлэхүйн чадваруудыг эзэмшүүлэхтэй холбоотой онолын үзэл баримтлалуудын талаарх мэдлэг, монгол суралцагчийн онцлогт тохируулан заах онол аргазүйн мэдлэгийг сургалт судалгааны онолын үндэслэл болгон ашиглах чадвар эзэмшинэ.
Япон хэлний сургалтын түүх, япон хэлний гол гол заах аргууд, япон хэлний авиа зүй, үсэг, үгийн сан, хэлзүйн дүрэм, сонсож ойлгох, ярих, уншиж ойлгох, найруулан бичих зэрэг хэл, хэлэхүйн бүх категорийн дагуу бүх шатны сургуульд япон хэл заах аргын онцлогийн талаарх мэдлэг чадварыг эзэмшүүлнэ.
JF стандарт буюу япон хэлний олон улсын боловсролын стандартын үндсэн чиг баримтлалд тулгуурлан, япон хэлний хоёр цагаан толгойн 96 үсгийн дуудлага, бичлэг, нийлэмж, тэмдэглэгээ, богино хэмжээний бичвэрийн өргөлт, утгын өргөлт, тоо, цаг хугацаа, төлөөний нэрийг зөв дуудаж, уншиж, хэрэглэж сурахаас гадна тэдгээрийг тэмдэглэх 45 орчим дүрс үсгийн унших, бичих, хэрэглэх аргыг сурна.
Япон хэлний хоёр цагаан толгойн 96 үсгийн дуудлага, бичлэг, нийлэмж, тэмдэглэгээний онцлогийн талаарх бүрэн мэдлэг олно. Богино хэмжээний бичвэрийн өргөлт, утгын өргөлтийг зөв дуудах, тэмдэглэх, сонсож, уншиж, ойлгох чадвартай болно.
Энэ хичээлээр монгол ба судалж буй гадаад хэлний найруулгын төрлүүд, тэдгээрийн авиан зүй, хэлзүй, утга найруулгын онцлог, аман яриа ба бичгийн хэлний найруулгын ялгаа, ялангуяа эрдэм шинжилгээний найруулгын өвөрмөц онцлогтой танилцана. Мэргэжлийн бичвэр уншиж бүтэц, утга зүйн анализ хийхэд суралцана. Үүнд: Өгүүлбэр, догол мөр, эх сэдвийн гол агуулгыг тодорхойлох, догол мөрийн бүтэц-утгын задаргаа хийх, адил төсөөтэй сэдэв зохиох; Сэдвийг хураангуйлж товчлох, дэлгэрүүлэх. Сэдвийн аль нэг хэсгийг ойролцоо утгатай, адил үүрэгтэй хэрэглэгдэхүүнээр солих, шаардлагагүй мэдээллийг хасах; Ишлэл, товчлол хийх, сэдвийн гол агуулгыг тезис, резюме хэлбэрээр илэрхийлэх; Бичвэр зохиоход логик холбоог анхаарах. Авиан зүй, үгийн сан, хэл зүй зүйн холбох хэрэгслүүдийг ашиглаж сура
Монгол болоод үзэж буй гадаад хэлээр хэл шинжлэлийн нэр томъёог зөв хэрэглэн, хоёр хэлээр сурах бичиг, судалгааны өгүүлэл, нэг сэдэвт зохиол уншиж, товчлол хийх, ишлэл авах, мэргэжлийн хичээлээр илтгэл тавих, илтгэлийн товч танилцуулга, хураангуй, магистрын дипломын ажил бичиж сурна.
Дунд шатны унших бичих дадал хичээлийг судалснаар оюутан япон хэлээр унших, бичиж найруулахад анхаарах хэлзүйн гол зүй тогтолтой танилцан, зохион бичлэгийн бүтэц, хэлбэрийг мөрдөн, юмс үзэгдлийг хооронд нь харьцуулж, өөрийн үзэл бодлыг чөлөөтэй илэрхийлэх, найруулан бичих арга зүйд суралцана. Мөн тухайн сэдэвтэй холбоотой мэдээллийг бие даан япон хэлээр олж цуглуулах, тухайн мэдээллээ боловсруулан илтгэх, ярилцана.
Япон хэлээр найруулан бичих, уншихад анхаарах гол дүрмүүд, гол зүй тогтолтой танилцаж, зохион бичих, унших дунд шатны дадалтай болно.
