Бидний тухай
Багш ажилтан
Энэхүү хичээл нь оюутнуудад хүрээлэн буй орчны инженерчлэлийн үндсэн мэдлэг, суурь ойлголтуудыг өгөхөд чиглэсэн. Үүний хүрээнд хүрээлэн буй орчны инженерчлэлийн биологийн, химийн, физикийн процессууд, тэдгээрийн зарчим, шаардлагатай тооцоо дизайн, орчин үеийн шаардлага, чиг хандлагыг авч үзнэ. Хүрээлэн буй орчны инженерчлэл 1 ба 2 хичээлүүдээр хүрээлэн буй орчны инженерчлэлийн үндсэн сэдвүүд болох агаарын болон дуу чимээний бохирдол, хатуу хог хаягдлыг менежмент-инженерчлэл, аюултай хаягдлын менежмент, ундны ус боловсруулалт, усны чанар, хаягдал ус боловсруулах инженерчлэл, газрын доорхи усны чанарын инженерчлэл1 зэрэг сэдвүүдийн хувьд дээрхи зарчим, ойлголтуудыг судална.
Хүрээлэн буй орчны инженерчлэл болон бусад мэргэжлийн ангийн оюутнуудад хүрээлэн буй орчны инженерчлэлийн үндсэн зарчим, ойлголтуудыг эзэмшүүлж, мэргэжлийн хэлд бүрэн тайлах, агаар, ус, хатуу хаягдлыг боловсруулах технологийн үндсэн мэдлэн олгож шаардлагатай тооцоо, дизайн хийх чадвар эзэмшүүлэх, мөн орчин үеийн хүрээлэн буй орчны инженерчлэлийн чиг хандлага, дэвшил, хүрээлэн буй орчинд шинээр тулгамдаж буй асуудлуудын талаар мэдлэг, мэдээлэл өгөх зорилготой.
Ус, хөрсний чанарыг сайжруулахын тулд ургамал, бичил биетэн, субстрат (жишээ нь, хөрс, инженерийн материал) ашиглах зэрэг байгаль орчныг нөхөн сэргээх сэдвүүдийг хэлэлцэх болно. Хүрээлэн буй орчны цэвэршүүлэх технологийн хими, физик, биологи, инженерчлэлийн зарчмыг тусган орно.
Хөрс, гүний усанд тархсан бохирдуулагч, бохирдлыг цэвэршүүлэх физик, хими, биологи, инженерчлэлийн зарчимд үндэслэсэн технологийн зарчим, хэрэглээ, өртөг, үр ашгийг тооцох мэдлэг, чадвар эзэмшүүлнэ.
Тус хичээлээр хог хаягдлын менежмент, хог хаягдлын эх үүсвэр, найрлага, шинж чанар, хог хаягдлыг цуглуулах, боловсруулах, ялгах, дахин боловсруулах, дахин ашиглалт, шатаах, дулааны боловсруулалт, компостин болон ландфиллын инженерчлэлийн зарчмуудыг хамрах ба зарим хялбар лабораторын ажлуудыг гүйцэтгэж холбогдох тооцоолол хийх аргуудыг хамарна.
Ахуй, үйлдвэрлэл, үйлчилгээнээс үүдэлтэй хаягдлын эх үүсвэр, тоо хэмжээ, бүтэц найрлагыг мэдэж, тэдгээрийг боловсруулах, дахин ашиглах, дахин боловсруулах арга технологийн үндсэн зарчим, ашиглагдах тоног төхөөрөмж, тэдгээрт шаардлагатай тооцоололлыг хийж чадсанаар хог хаягдлын менежментийг төлөвлөх, хэрэгжүүлэх практик чадвартай болоход оршино.
Энэ хичээл нь хүрээлэн буй орчинд үйлдвэрийн-цэгэн болон цэгэн бус эх үүсвэрээс ялгарч байгаа агаар бохирдуулагчдыг бууруулах технологи-тунадасжуулагч, циклон, хийг бууруулах каталитик болон каталитик бус исэлдүүлэх аргууд, дулааны боловсруулалтын шатаах, адсорбц, абсорц, биологийн аргын зарчим, түүнд тавигдах шаардлага, гол хэмжигдэхүүн, тоног төхөөрөмж болон өртгийн талаар мэдлэгийг өгч холбогдох тооцоог хийх чадварыг эзэмшүүлнэ.
Агаарын бохирдлыг бууруулахын тулд эх үүсвэр дээр бохирдуулагчдыг бууруулах, цэвэршүүлэх технологийн онолын үндэс, гол тоног, төхөөрөмж, процессын үр ашгийг тооцоолж, процессын үр ашгийг нэмэгдүүлэх чадварыг хөгжүүлэхэд энэхүү хичээлийн ач холбогдол оршино.
