Бидний тухай
Багш ажилтан
Энэхүү өгүүлэлд даяаршлын эринд олон улсчлалын үйл явц нь улс орнуудын дээд боловсролын хөгжилд нөлөөлж байгаа байдлыг Европын орнуудын болон Монголын их сургуулиудын хамтын ажиллагааны туршлага дээр тулгуурлан харьцуулан судалсан зарим үр дүнг нэгтгэн илэрхийлсэн болно. Өгүүлэлд улс орнуудын дээд боловсролын талаар баримталж буй бодлого, түүний хэрэгжилт, олон улсын байгууллагуудын бодлогын зөвлөмж, холбогдох өгөгдөлд харьцуулсан дүн шинжилгээ хийж Монголын дээд боловсролын хөгжилд нөлөөлөх хүчин зүйлүүдийн талаар холбогдох дүгнэлтийг хийсэн. Европын болон Монголын их сургуулиудын хамтын ажиллагааны хүрээнд хийсэн кейс судалгаа нь дээд боловсролын олон улсчлалын үйл явцыг өөрийн орны эрх ашигт нийцүүлэн хэрэгжүүлэхийн ач холбогдлыг онцгойлон тодорхойлсон болно.
Товч агуулга: Дэлхий нийтийн урт хугацааны хөгжлийн хөтөлбөр Тогтвортой хөгжлийн зорилгуудыг хэрэгжүүлэхэд боловсролын салбар онцгой үүрэг гүйцэтгэж байна. Боловсролын тэгш хамрагдах боломж, чанар, нийцийг сайжруулахад багш бэлтгэх сургалтын арга зүйг боловсронгуй болгох асуудлууд чухлаар тавигдаж байна. Монгол улс нь боловсролын хувирган өөрчлөлттэй холбоотой ирээдүйн ажлын байрны шаардлагыг хангах цогц чадамжтай, ирээдүйн тодорхойгүй сорилтыг даван туулах чадвартай иргэдийг бэлтгэхэд багш боловсролын хөтөлбөрт анхаарал хандуулж, хууль эрх зүйн орчныг шинэчилж байна. Иймд орчин үеийн боловсролын өөрчлөлт шинэчлэлийн чиг хандлагыг тодруулах, багш бэлтгэх сургалтын хэрэгцээ шаардлага, судалгааны шинэ чиглэлүүдийг шинжлэн дүгнэх нь чухал ач холбогдолтой. Аж үйлдвэрийн IV хувьсгал, технологийн эринд багш нарыг бэлтгэхэд суралцагчдад трансформатив ур чадвар эзэмшүүлэх, хиймэл оюун ухаан, танхим ба виртуал хосолсон орчинд сургалтыг зохион байгуулах, тархи судлалд үндэслэсэн сургахуй ба суралцахуйд суурилсан суралцагч төвтэй сургалтыг боловсронгуй болгох зэрэг чиглэлд анхаарах шаардлага үүсэж байна.
