Бидний тухай
Багш ажилтан
Уг хичээлээр оюутнуудын англи хэлний хэлэхүйн 4 чадварыг хөгжүүлэхээс гадна бие даан мэргэжлийн түвшиний эх бичвэрийг уншиж ойлгох, тухайн түвшиний бичвэр бичихэд хэрэгцээтэй үг хэллэгийг эзэмшүүлнэ. Мөн оюутнууд IELTS, TOEFL-ийн шалгалтын даалгавруудыг хийж гүйцэтгэн тухайн шалгалтуудыг амжилттай өгөх стратегийг эзэмшинэ.
Энэхүү хичээлийг судалсанаар оюутнууд англи хэлний хэлэхүйн 4 чадварыг ахисан түвшинд эзэмшинэ. Ингэснээр гадаадын их, дээд сургуулиудад үргэлжлүүлэн суралцахад шаардлагатай IELTS, TOEFL-ийн оноо авах боломжтой болж, эрдэм шинжилгээний ажилдаа англи хэлийг бүтээлчээр хэрэглэж сурна.
Хичээлээр англи хэлний нэр үг, тэмдэг нэр, төлөөний үг, угтвар үг, үйл үг, үйл хавсрал, холбоос үг зэрэг үгсийн аймгийг онолын түвшинд гүнзгийрүүлэн судалж хэрэглээний ялгааг тодорхойлон, англи хэлний хэл зүйн онцлогуудыг танин мэдэж, зөв хэрэглэж сурна.
Англи хэлний хэл зүй хичээл нь Европын олон хэлний суурь хөтөлбөрийн В2 түвшинд англи хэлний хэл зүйн ерөнхий мэдлэг олгох онолын үндсийг таних, хэл зүйн айн онцлог шинжийг тодорхойлох ба оюутны англи хэлний онолын мэдлэгийн түвшинг дээшлүүлэхэд оршино.
Энэхүү хичээл нь англи хэлний үгийн сангийн бүтэц, гарал үүсэл, түүхэн хөгжил, онцлог, үгсийн утгын холбоо хамаарал, үг бүтэх ёс, үгийн хэрэглээний төрлүүд, нийгэм соёлын нөлөө, толь зүй гэсэн сэдвүүдийг хамарна.
Англи хэлний үгийн санг хэл шинжлэлийн ухааны үүднээс cудлан, онолын суурь ойлголтуудтай танилцан, тус хэлний үгийн сангийн түүх, зүй тогтол, тогтолцоо, цаашдын чиг хандлагыг ойлгон, танин мэднэ. Энэхүү хичээлийг судалснаар дараах ач холбогдолтой: 1. Англи хэлний үгийн сан судлалын онолын суурь мэдлэгтэй танилцах. 2. Англи хэлний үгийн сангийн зүй тогтол, тогтолцоо, цаашдын хандлагын талаар мэдэх. 3. Хэл шинжлэл, хэрэглээний хэл шинжлэлийн чиглэлээр эрдэм шинжилгээ, судалгааны ажил хийхдээ үгийн сан судлалын хичээлээр олсон мэдлэгээ ашиглах.
Энэхүү хичээлийн агуулга нь сургалттын хэрэглэгдэхүүн боловсруулахад хэрэгтэй мэдээлэл цуглуулах, хэрэглэгдэхүүн боловсруулах үйл явц, сургалтын хэрэглэгдэхүүнийг үнэлэх үйл явц, сургалтын хэрэглэгдэхүүн боловсруулахад шаардлагатай өөр бусад шинэлэг санаа гэсэн ерөнхий сэдвүүдийг хамарна.
Энэхүү хичээлийг судалснаар англи хэл заахад хэрэглэгдэх сургалтын хэрэглэгдэхүүнийг боловсруулах, чанарыг сайжруулах талаар мэдлэг эзэмшинэ. Мөн сургалтын хэрэглэгдэхүүн боловсруулахтай холбоотой үг хэллэг, ойлголтууд, хэрэглэгдэж буй сургалтын хэрэглэгдэхүүнд системтэйгээр дүн шинжилгээ хийж үнэлгээ өгч сурна.
Уг хичээл нь англи хэлний өнөөгийн байдал, багш болон суралцагчдын хэв шинж, тэдний сурах болон сургахуйн онцлогууд, заах аргын онол, хандлагууд, хэлэхүйн 4 чадварыг заах, техник технологи ашиглах, хичээл төлөвлөх, үнэлэх зэрэг агуулгуудыг багтаасан болно.
Энэхүү хичээлийг судалснаар оюутнууд англи хэл заах аргын сүүлийн үеийн түгээмэл хандлагууд, заах аргын онол, арга барил, техник, багш, суралцагчдын ерөнхий хэв шинж, багшийн үүрэг, ангийг хэрхэн удирдан залах, анги, оюутан, багшид тулгардаг бэрхшээлүүдийг хэрхэн даван туулах, хичээлд хэрхэн техник технологи ашиглах, хэлэхүйн 4 чадварыг заах, судлагдахууны хөтөлбөр, нэгж хичээлийн төлөвлөгөө боловсруулах, шалгалт, түүний төрлүүд, цаашид оюутнууд яаж бие даан хөгжих арга замуудын талаар анхан шатны түвшинд эзэмшинэ.
Уг хичээлээр оюутнууд англи хэл заах аргын сүүлийн үеийн болон уламжлалт онол, арга зүйг судлан, суралцагчийн сурах онцлог, хэрэгцээнд тохируулан хэлэхүйн дөрвөн чадвар, шинэ үг хэллэг болон хэл зүйг хэрхэн заах, хэл соёлын холбоо хамаарал, багшийн мэргэжлийн хөгжлийн талаар харьцуулан шинжилнэ. Мөн хичээлийн хэрэглэгдэхүүн боловсруулах, хэлний мэдлэг, чадварыг үнэлэх аргуудыг бүтээлчээр ашиглан өөрийн зааж буй хичээлээрээ дамжуулан идэвхтэй судлаач багш байх чадварыг эзэмшинэ.
Тус хичээлээр оюутнууд англи хэл заах онол, арга зүйн мэдлэгээ гүнзгийрүүлэн, орчин үеийн болон уламжлалт онол, арга зүйг судлан, дүн шинжилгээ хийж, идэвхтэй судлаач багш байх чадвараа хөгжүүлнэ. Мөн энэхүү хичээлийн чиглэлээр судалгааны асуудал боловсруулах, өгөгдсөн сэдвийн хүрээнд ажиглалт хийх, харьцуулсан судалгаа хийхийн зэрэгцээ сурч мэдсэнээ өөрийн мэргэжлийн дадлага болон практикт үр бүтээлтэй хэрэглэх боломж олгоно. Багаар болон бие даан үр бүтээлтэйгээр ажиллах, задлан шинжлэх, нэгтгэн дүгнэх ур чадвараа хөгжүүлнэ.
Уг хичээлээр оюутнууд англи хэлний заах аргын сүүлийн үеийн болон уламжлалт онол аргазүйтэй танилцан, суралцагчийн сурах онцлог, хэрэгцээнд тохируулан хэлний дөрвөн чадвар, шинэ үг хэллэг болон хэл зүйг хэрхэн заах, хэл соёлыг харьцуулан заах дадлыг эзэмшихийн зэрэгцээ тус хичээлийн агуулгын хүрээнд эрдэм шинжилгээ судалгааны ажил хийх чадамжтай болно. Мөн хичээлийн хэрэглэгдэхүүн боловсруулах, хэлний мэдлэг чадварыг үнэлэх аргуудыг бүтээлчээр ашиглан өөрийн зааж буй хичээлээрээ дамжуулан идэвхтэй судлаач багш байх чадварыг эзэмшинэ.
Энэхүү хичээлийг судалсанаар оюутнууд англи хэл заах аргын сүүлийн үеийн түгээмэл хандлагууд, заах аргын онол, арга барил, техник, багшийн ёс зүй, үүрэг зэргийг судлан, хэлэхүйн 4 чадварыг заах аргазүйн талаар ахисан түвшинд эзэмшинэ. Англи хэл заах аргазүйн хичээлийг судласнаар тухайн хэлийг заах аргад задлан шинжилгээ хийх, шүүмжтэй хандах, оюутны хэрэгцээ шаардлага, түвшин, сурах, сургах нөхцөлд нь тохирсон заах арга, техникийг бүтээлчээр хэрэглэж сурна.
