Бидний тухай
Багш ажилтан
Хүүхдийн өөрийн үнэлэмж, өөртөө итгэх итгэл муу байх нь таргалалт, дэлгэцэд донтох, академик гүйцэтгэл муудах цаашлаад сэтгэл зүйн болон нийгмийн асуудалд өртөхөд нөлөөлж байдаг. Уг судалгаагаар 7-р ангийн сурагчдын өөрийн үнэлэмж, өөртөө итгэх байдалд нөлөөлдөг нийгэм эдийн засгийн хүчин зүйлийг судлахыг зорьсон. Судалгаанд хотын төвийн болон захын сургуулийн 76 сурагч оролцсон ба судалгааны эхний хэсэгт сурагчид гэр бүлийнхээ нийгэм эдийн засгийн байдал болон өөрийн үнэлэмжийн асуулгад хариулсан. Дараагаар танин мэдэхүйн даалгаврыг гүйцэтгэж тухайн даалгаврын гүйцэтгэлдээ хэр итгэлтэй байгааг 1-10 оноогоор үнэлсэн ба хүүхдийн нийгэм эдийн засгийн ялгаа болон сурагчдын сурлагын ялгааны талаарх итгэл үнэмшлийг үнэлүүлсэн. Үр дүнд, нийгмийн гишүүдтэй харилцах харилцаа болон өөрийн үнэлэмж, өөрийн гүйцэтгэлдээ итгэх байдал нь хоорондоо эерэг хамааралтай байсан. Тодруулбал, нийгмийн гишүүдтэй харилцах харилцаагаа өндрөөр үнэлсэн сурагчид өөрийн үнэлэмж, өөртөө итгэх байдал өндөр байсан. Цаашлаад гэр бүлийн нийгэм эдийн засгийн байр суурь нь сурагчдын өөрийн үнэлэмжид нөлөөлсөн.Өөрөөр хэлбэл, гэр бүлийн нийгэм эдийн засгийн байр суурь доогуур сурагчдын өөрийн үнэлэмж бага байсан. Дүгнэвэл, 11-13 нас нь өөрийн үнэлэмж бүрэлдэхэд чухал нас бөгөөд тухайн насанд өөрийн үнэлэмж бага зэрэг унаж байдаг. Гэтэл энэ үед сурагчдын дунд өөрийн үнэлэмж, өөртөө итгэх байдалд эдийн засгийн ялгаатай байдал нөлөөлж байгаа нь боловсролын салбарын тэгш бус байдлын асуудлыг хөндөхөд хүргэж байна.
Түүхч, социологич, угсаатны зүйч, МУИС-д Угсаатны зүйн тэнхимийг үүсгэн байгуулагч Хандын Нямбуугийн намтар уран бүтээлийн тойм
Сүүлийн жилүүдэд туслах малчин гэх ойлголт түгээмэл хэрэглэгдэж, Үндэсний статистикийн хорооноос үүнтэй холбоотой статистик мэдээллийг албан ёсоор гаргах болсон бөгөөд 2017 оны байдлаар нийт малчдын 4.5 хувийг нь туслах малчид эзлэж байна гэсэн тоо гарчээ. Энэ дашрамд, туслах малчин хэмээх хөдөлмөр эрхлэгсдийн тоог гаргах аргачлал одоо хэр нэг мөр болоогүй, чухам хэнийг туслах малчин гэх вэ гэсэн асуултын хариулт нь, мэдээ занги авч буй статистик бүртгэлийн байгууллагаас эхлээд судалгаа шинжилгээний хүрээнд ч эцэслэгдэн цэгцрээгүй байгаа тул энэ талаарх албан ба албан бус тооцооллууд бодот байдлаас нэлээн зөрүүтэй байх магадлалтай байгааг тэмдэглэсү. 2018 онд ХНХСИ-ээс хийсэн судалгаанд хамрагдсан малчин өрхийн, мал аж ахуй эрхлэж амьжиргаагаа залгуулдаг малчдын 96.5 хувь нь өөрийн эзэмшлийн малаа хариулдаг гэсэн бол 3.5 хувь нь бусдын малыг ямар нэгэн байдлаар хариулдаг туслах малчин гэжээ. “Туслах малчин” гэдэг ойлголт нь цоо шинэ зүйл биш бөгөөд мал хувьчлагдахаас өмнө байсан мал аж ахуйн хөдөлмөр зохион байгуулалтын хэлбэрүүдэд оршиж байжээ. Харин сүүлийн жилүүдэд энэхүү эдийн засгийн салбарын ангилалд туслах малчин, хөлсний малчин гэж малчдын бүлэг дотроо ялгарах болжээ.
IRIM recently completed the Social Well-being Survey of Mongolia for the sixth year in a row; a general social survey using large samples. The survey focuses on how - over time – people’s trust in each other develops, how they cooperate with each other, and how they perceive their quality of life. The authors have compared the results of the Social Well-being Survey of Mongolia 2022 with those of 2017; and sought to explain the changes that have occurred over the previous five years. This information will be crucial for researchers, experts, development organizations, and decision-makers, as it offers valuable insights on the dynamics of social development and the changes in the well-being of Mongolians.
Монголын анхны социологичдын нэг, социологийн шинжлэх ухааны доктор (Sc.D) Хаянхярваагийн Гүндсамбуугийн, Монголын социологийн шинжлэх ухааны хөгжилд оруулсан хувь нэмэр, бүтээл, үр нөлөөг тоймлов
Социологич, философич, нийгмийн ажилтан С.Гомбын намтар, эрдэм шинжилгээ, судалгааны бүтээлийн тойм
МУИС-д, Социологийн сургалтын нэгж тэнхим үүсгэн байгуулсан эрдэмтэн сурган хүмүүжүүлэгч В.Отгоннасан багшийн намтар, эрдэм шинжилгээний бүтээлийг тоймлон танилцуулсан.
Mongolian Buddhist Diplomacy: Opportunities and Challenges
