Бидний тухай
Багш ажилтан
Уул уурхайн салбар нь гамшгийн эрсдэлийн төрөл ихтэй, эрсдэлд мэдрэмтгий салбар юм. Технологийн хөгжил хурдсаж, эрсдэлийг удирдах олон арга замууд хөгжиж байгаа ч түүнийг дагаад нийгмийн хувьсал, байгаль орчны доройтол зэрэг нь уул уурхайн салбарт эрсдэлтэй нөхцөлүүдийг төрөлжүүлж, эрсдэлийн тоог бууруулахгүйд нөлөөлж байна. Монгол улсын Гамшгаас хамгаалах тухай хуулийн 2017 оны шинэчилсэн заалтад аж ахуй нэгж бүр гамшгийн эрсдэлийн үнэлгээ хийлгэх ёстойг хуульчилсан. Үүнийг хэрэгжүүлэхтэй холбоотойгоор уул уурхайн үйлдвэрийн эрсдэлийг тодорхойлох зорилго тавьж судалгаа хийсэн. Эрсдэлийг тодорхойлсноор уурхай бүр ижил тодорхойлолтоор өөр өөрийн нөхцөлийг үнэлж, бусад уурхайтай харьцуулах замаар эрсдэлийг үр ашигтай удирдах арга замыг олж чадна. Зорилгодоо хүрэхийн тулд Хяналтын хуудас, ангилал ба таксономийн аргыг ашиглан эрсдэлийг тодорхойлов. Тус аргыг ашиглахдаа уул уурхайн үйлдвэрийн эрсдэлийн судлаач, эрдэмтдийн томьёолсон эрсдэлийн тодорхойлолтууд дээр үндэслэж, эрсдэлийн хэв шинжээр таксономийг байгуулж, үүний дараагаар уул уурхайн үйлдвэрийн эрсдэлийг тодорхойлох схемийг боловсруулсан. Судалгааны ажлын үр дүнд уул уурхайн үйлдвэрийн гадаад, дотоод орчны эрсдэлийн найман үндсэн хүчин зүйл, гучин дэд хүчин зүйлүүдийг илрүүлж тодорхойлов. Уг үндсэн болон дэд хүчин зүйлүүдээр уурхайн эрсдэлийн шинжилгээ, үнэлгээ хийх бүрэн боломжтой гэж үзэж байна.
УИХ-ын сонгуулийн шинэ систем нь бодит хэрэгжилт дээрээ ямар нөхцөл байдал, сонголт, боломж үүсгэж байгаа, Хан-Уул дүүргийн сонгуулийн тойргийн сонгуулийн үр дүнг жишээ болгож дүн шинжилгээ хийж үзэв.
